ஓட்டமாவடி சிராஜியா அரபுக் கல்லூரி மௌலவியும், இரு மாணவர்களும் வபாத்

May 29, 2011.... AL-IHZAN Local News
ஓட்டமாவடி சிராஜிய அரபுக் கல்லூரி மாணவர்கள் இருவரும், கல்லூரியின் விடுதி மேற்பார்வையாளராக பணியாற்றிய மௌலவி ஒருவரும் குளத்தில் மூழ்கி வபாத்தாகியுள்ளதாக அறிவிக்கப்பட்டுள்ளது.இன்னா லில்லாஹி வஇன்னா இலைஹி ராஜிஊன்.

குறித்த அரபுக் கல்லூரி மாணவர்கள் குழுவொன்று இன்று ஞாயிற்றுக்கிழமை பயணமொன்றை மேற்கொண்டு பொலநறுவை - மட்டக்களப்பு எல்லையிலுள்ள கட்டுவம்புல் என்ற பகுதிக்குச் சென்றுள்ளனர். அங்குள்ள குளத்தில் இவர்கள் குளித்துக் கொண்டிருக்கும் போதே இத்துயரச் சம்பவம் நடைபெற்றுள்ளது.

அரபுக் கல்லூரி விடுதி மேற்பார்வையாளரான மௌலவி அன்வர் என்பவரின் ஜனாஸா தற்போது மீட்கப்பட்டுள்ளதாகவும், ஏனைய இரு மாணவர்களின் ஜனாஸாக்களை கண்டுபிடிக்கும் நடவடிக்கை தீவிரப்படுத்தப்பட்டுள்ளதாகவும் தெரிவிக்கப்பட்டுள்ளது.